Животни
Поголемите раси на кучиња ќе бидат најсреќни во двор или на село каде што ќе можат да си играат и да трчаат колку што им треба. Доколку сакате за вашиот двор куче чувар што добро ќе се согласува со децата и со остатокот од семејството, изберете некои од поголемите раси на кучиња.
Германски овчар – овие разиграни и паметни кучиња сакаат деца и имаат нежна природа, а може да се обучат да бидат идеални чувари на домот. Тие се воспитани првенствено да се грижат за овците, па затоа се многу послушни и интелигентни. Мажјаците можат да пораснат до 65 см и тежат 40 кг, а нивниот животен век е до 13 години
Германска дога – иако може да биде застрашувачко со својата големина, ова е исклучително нежен тип куче, одлично со деца. Има изглед што ќе ги исплаши сите што не треба да бидат во вашиот двор. Мажјаците можат да пораснат до 86 см во висина и 90 кг во тежина
Булмастиф – ова е исклучително паметно куче со потекло од Обединетото Кралство, кое не лае. Во моменти на опасност, тоа е исклучително лојално и посветено на својот сопственик и ќе нападне само ако почувствува опасност. Одлично се согласуваат со децата и се многу нежни.
Хрватски овчар – куче со хрватско потекло, кое е природно активно, разиграно и паметно и тренирано да чува добиток. Затоа, тој е идеален избор за некој што живее во рурална средина и, освен што се грижи за куќата, има потреба од вистински верен помошник на фармата. Хрватскиот овчар е исклучително послушен и брзо памти, но треба да се тренира од почеток.
