Земјите на ЕУ формално усвоија план за искористување на неочекуваните пари од средствата на руската централна банка замрзнати во ЕУ за одбрана на Украина – објави белгиската влада, а пренесе „Ројтерс“.
На текстот му беше потребен само печат на министри откако амбасадорите на ЕУ постигнаа договор на почетокот на мај.
Според договорот, 90 отсто од приходот оди во фондот за воена помош за Украина, управуван од ЕУ, додека останатите 10 отсто ќе го поддржат Киев на други начини.
ЕУ очекува средствата да донесат околу 15-20 милијарди евра профит до 2027 година.
– Се очекува Украина да ја добие првата транша во јули – велат дипломатите на ЕУ.
Земјите од Групата седум (Г7) замрзнаа околу 300 милијарди долари руски финансиски средства непосредно по инвазијата на Москва на Украина во 2022 година.
Американскиот министер за финансии Џенет Јелен оваа недела ги повика другите земји од Г7 да се договорат за планот за користење на профитот како колатерал за финансирање на поголем заем за помош на Украина.
