Американските лансери од класата „делта“, кои летаа на речиси 400 вселенски мисии од 1960 година, беа повлечени минатата недела откако американските вселенски сили и Обединетата алијанса за лансирање ја лансираа последната „делта 4 хеви“ во орбитата. Ракетата се симна од лансирната рампа во Кејп Канаверал, Флорида, 12 дена откако претходниот обид за лансирање беше откажан во последен момент поради технички дефект.
Летот беше наменет да распореди сателити на Националната канцеларија за извидување – американската одбранбена разузнавачка агенција, во тајна мисија означена НРОЛ-70. Командата на полето на вселенските сили потврди неколку часа по лансирањето дека товарот е успешно предаден во орбитата.
Тоа беше 16-ти и последен лет на ракетата „делта 4 хеви“ и последен на која било ракета од типот „делта“ – класа на ракети носачи што потекнуваат од модифицирана балистичка ракета со среден дострел, кои со текот на времето вклучиле дваесетина сè помоќни варијанти.
Откако ракетата „тор-делта“ беше претставена во 1960 година во зората на вселенската ера, ракетите од овој тип изведоа 389 лансирања со носивост, од првите светски временски услови и ГПС-сателити до научните мисии на НАСА, вклучувајќи и осум вселенски летала до Марс. Првиот пасивен комуникациски сателит во светот, „Хо 1A“, и првиот активен комуникациски сателит „Телстар 1“, кој овозможи трансатлантски телевизиски пренос, беа лансирани со ракетата „тор-делта“ во 1960 и 1962 година.
Помеѓу другите вселенски научни мисии, ракетите „делта 2“ ги лансираа роверите на „Марс спирит“ и „Опортунити“ во 2003 година, а „Делта“ ја испрати соларната сонда „Паркер“ во вселената во 2018 година.
– Ракетата „делта“ одигра клучна улога во еволуцијата на вселенските летови од 1960-тите години – рече Тори Бруно, претседател и главен извршен директор на Националната канцеларија за извидување, која во партнерство со „Боинг“ и „Локхид Мартин“, ги повлекува своите ракети „делта“ и „атлас“ за да бидат заменети со новоразвиената ракета „вулкан“, која го направи својот прв лет во јануари носејќи приватно финансиран лунарен лендер.
Леталото не функционираше пред да стигне на Месечината, но лансирањето на „вулкан“ од Флорида беше успешно. „Атлас 5“ има уште 17 резервирани мисии пред да биде планирано да се пензионира. Ракетата „делта“ е тешка 733 тони кога е целосно напојувана и се состои од долна етапа со три засилувачи и горна фаза со еден мотор што носи товар во орбитата.
