Во текот на изминатата вечер во периодот од 22.00 до 04.00 часот на територија на СВР Битола спроведена е акциска контрола за санкционирање на возачи кои управуваат возило под дејство на алкохол.
Од МВР денеска соопштија дека при контролата санкционирани се 19 возачи, од кои 9 во Битола, 4 во Прилеп и по два во Ресен, Македонски Брод и Крушево. При контролата биле откриени 12 останати прекршоци.
Засилените сообраќајни контроли продолжуваат и во наредните денови, најавија од МВР и апелираат до граѓаните да ги почитуваат сообраќајните правила и прописи.
