Според центрите за контрола и превенција од болести, повеќе од 600.000 луѓе во САД годишно умираат од кардиоваскуларни болести, кои исто така се водечка причина за смрт кај мажите и жените. Затоа, добро е да се знаат превентивните мерки.
Кардиологот Ендрју Фримен од академската болница „Национално еврејско здравје“ во Колорадо за медиумите изјави дека во другите култури каде што не се застапени седечкиот начин на живот и консумирањето преработена храна, ризикот од кардиоваскуларни заболувања е намален. Иако е тешко да се елиминираат намирниците што се штетни за здравјето на нашето срце, тој препорачува нивното внесување да се сведе на минимум. Докторката Шерон Хејс од Минесота наведува дека не постои храна што ќе ве убие, туку клучна улога игра изборот на намирници.
Месни производи
Прекумерното уживање во виршли, салама, сланина, шунка и слични месни производи не влијае само на здравјето на срцето. Според Светската здравствена организација, консумирањето преработено месо може да предизвика рак.
Закуски
Фримен и Хејс наведуваат да се држите настрана од вреќи со солени и крцкави јаглехидрати. Иако ќесињата за ужина изгледаат практично, подобро е да ги избегнувате бидејќи првенствено содржат едноставни јаглехидрати, но и големи количества масти, сол и други адитиви.
Слатки
Кардиологот Фримен наведува дека треба да јадеме слатки во многу ограничени количества. Се препорачува да изберете само една порција слатки еднаш неделно за да го ограничите внесувањето шеќер.
Премногу протеини
Иако внесувањето протеини е важно за секојдневното функционирање на организмот, не треба да претерувате. Тоа е затоа што поголемо количество ги оптоварува бубрезите и може да предизвика низа други проблеми. Освен тоа, како извор на протеини, луѓето најчесто консумираат црвено месо, кое има висок процент на заситени масти, кои се штетни за здравјето на срцето.
Брза храна
Повеќето ресторани за брза храна треба да се избегнуваат бидејќи на менито практично нема ништо што е здраво за нас. Ова се однесува дури и на храна што не е пржена бидејќи има тенденција да содржи едноставни јаглехидрати.
Енергетски пијалаци
Енергетските пијалаци содржат додаден шеќер, но и состојки што потенцијално можат да предизвикаат проблеми како висок крвен притисок или аритмија. Затоа треба да го намалите внесувањето кофеин.
Солена храна
Не е невообичаено човек да консумира три или четири пати повеќе од препорачаното дневно количество сол. Тоа е затоа што солта може да се најде во производи за кои можеби не сте свесни, како што се разни житни производи или, на пример, кисели краставички.
Кокосово масло
Во последните неколку години, еден од трендовите во исхраната е да се заменат различните масла и масти со кокосово масло. Но Фримен наведува дека ова масло содржи повеќе заситени масти од свинската маст. Тој истакнува дека кокосовото масло е користено во некои истражувања за да предизвика артеросклероза кај животните.
