Додека повеќето уметници сликаат на платно, некои избираат неочекувани места за нивната уметност. Еден од нив е Дејвид Зин од американскиот град Ен Арбор, во државата Мичиген, кој со години црта на тротоарите и на ѕидовите во неговата област со креда.
Овој уличен уметник обично црта мали палави суштества, кои изгледаат како да излегле од цртани филмови, и се труди на креативен начин да ги вклопи во околината. Зин, исто така, редовно си игра со перспективата и создава тридимензионални илузии. Заедничка карактеристика на сите негови дела е нивниот хумор, поради што жителите на Ен Арбор се радуваат секогаш кога на нивните улици ќе видат нов цртеж на Зин.
