Дали сте знаеле…
Гитарата е музички инструмент со стапала што се користи во разновидни музички стилови и е исто така познат како класичен соло-инструмент. Во популарната култура најчесто се смета како примарен инструмент во блуз, кантри, фламенко и во рок-музиката. Гитарата вообичаено има шест жици, но постојат и гитари со седум, осум, десет, единаесет, дванаесет и осумнаесет жици, пишува на Википедија.
Инструментите слични на гитарата биле популарни најмалку во последните 5.000 години. Изгледа дека гитарата потекнува од пораните инструменти познати во древна Средна Азија како цитарата. Инструменти многу слични на гитарата се појавуваат и во антички статуи и на цртежи ископани од стариот ирански главен град Суза. Модерниот збор, гитара, бил усвоен во македонскиот јазик од средновековниот андалузиски арапски Κιθάρα, кој потекнува од пораниот латински cithara, кој, пак, доаѓа од грчкиот збор китара, кој, пак, потекнува од староперсискиот збор sithar.
Зборот qitara е арапско име за разни членови на семејството на лејтите што биле претходник на западната гитара. Името guitarra било воведено во шпанскиот јазик кога таквите инструменти биле донесени на Иберија од Маврите по 10 век.
Најраната шестжичена гитара била направена во 1779 г. од Гаетано Винасија (1759 – по 1831) во Неапол, Италија. Семејството Винасија е познато по развивањето на мандолината. Оваа гитара била прегледана и не покажува знаци на модификација од друг тип гитара.
Модерните димензии на класичниот инструмент биле воспоставени од Антонио Торес Хурадо (1817-1892), кој работел во Севилја во 1850-тите.
Електричната гитара била патентирана од Џорџ Бошам во 1936 година.
