Вицепремиерот задолжен за европски прашања, Никола Димитров денеска имаше средба со амбасадорот на Шпанија, Емилио Лоренцо Сера, на која покрај за отпочнувањето на пристапните преговори со ЕУ, се зборуваше и за развојот на билатералните односи и соработката помеѓу двете држави.
Димитров се заблагодарил за постојаната политичка и економска поддршка и помош од шпанска страна, изразувајќи надеж дека посветеноста да се помогне на Северна Македонија во историскиот случај со ратификувањето на пристапниот протокол за членство во НАТО, ќе се рефлектира и во поддршката на нашиот европски пат.
– Во оваа важна фаза од евроинтегративниот процес ќе треба да се насочиме кон изнаоѓање на модалитети за проширување на билатералната соработка. Помошта би била добредојдена во областите поврзани со постигнување на нашите главни реформски приоритети во области каде Шпанија има предност, меѓу другото и преку твининг соработката – посочи Димитров.
