Што предизвикува непријатен мирис на телото? Лукот, кромидот и другата вообичаено здрава храна може да го променат мирисот на здивот и на потта. За да го намалите лошиот мирис на телото, внимавајте на овие намирници и пијалаци што предизвикуваат миризба. Јадењето храна зачинета со лук може да предизвика непријатен здив и мирис на урината и на потта. За да се ослободите од непријатниот здив, по јадење исчистете ги забите со конец и измијте ги, а потоа џвакајте нане. Меѓутоа, што предизвикува постојан непријатен мирис на телото, кој едноставно не може да исчезне? Се чини дека консумирате храна или пиете пијалаци што предизвикуваат телото да испушта силни непријатни миризби.
Алкохолот може да предизвика телото да испушта непријатен мирис. Лукот, кромидот, јајцата и зеленчукот, како брокула и карфиол, исто така се причинители на непријатен мирис. Значи, ако јадете големи количества од одредени намирници, соединенијата со непријатен мирис што се наоѓаат во нив може да се ослободат преку вашите потни жлезди и да испуштаат мирис.
Меѓу нимирниците е и рибата, која секако има карактеристичен мирис, барем кога е надвор од вода. Но дали може да го промени мирисот на телото кај луѓето? Се чини дека тоа е случај кај луѓето со генетска состојба наречена триметиламинурија, неспособност на телото да ги разгради соединенијата со непријатен мирис. Јадењето риба предизвикува распространет мирис на риба кај луѓето со оваа генетска состојба. И црвеното месо се наоѓа на листата на намирници што предизвикуваат непријатни мириси, богати со сулфур. Оние што практикуваат вегетаријанска исхрана имаат помалку мирислива пот. Истражувачите претпоставуваат дека масните киселини што се наоѓаат во месото би можеле да навлезат во потта. Доколку се потите многу или имате силен непријатен мирис на телото, консултирајте се со вашиот лекар. Неколку теста можат да ја утврдат причината за проблемот.
