Подготвил: Mарјан Велевски
Претседателката на Европската комисија ја повика Европската Унија
Претседателката на Европската комисија, Урсула фон дер Лејен, повторно ја повика Европската Унија да воведе привремено ограничување на цената на увезениот гас, за да ги намали зголемените трошоци за енергија.
Воведувањето ограничување на гасот во целина е привремено решение, додека не развиеме нов индекс на цени на ЕУ што ќе обезбеди подобро функционирање на пазарот, а Комисијата веќе почна да работи на тоа – изјави Фон дер Лејен во Европскиот парламент во Стразбур.
Таа додаде дека таквата граница треба да биде „правилно дизајнирана за да се обезбеди сигурност на снабдувањето“.
Фон дер Лејен, исто така, рече дека ќе претстави писмо до лидерите на ЕУ, кои ќе се состанат во Прага денеска и утре, во кое ќе предложи Унијата да воспостави заеднички систем за набавка на енергија на ЕУ.
Таа истовремено ги повика земјите-членки да ја засилат заштитата на нивната критична инфраструктура, со спроведување стрес-тестови и користење сателитски надзор за откривање потенцијални закани.
Актите на саботажа против гасоводите Северен тек покажаа колку е ранлива нашата енергетска инфраструктура. Во интерес на сите Европејци е подобро да ја заштитат оваа критична инфраструктура – рече Фон дер Лејен.
На гасоводите Северен тек 1 и 2 во Балтичко Море, во близината на Данска и Шведска, минатата недела беа откриени четири истекувања. Ниту еден од гасоводите не бил во употреба во моментот на сомнителната саботажа, но тие биле наполнети, што доведе до истекување на гасот на површината на Балтичко Море.
