Западот треба да воведе построги санкции против Русија и да го снабдува Киев со ракети со долг дострел како одговор на последното руско гранатирање на Украина, изјави денеска полскиот министер за надворешни работи Радослав Шикорски.
Русија вчера изврши ракетен напад врз двата најголеми украински града, главниот град Киев и Харков, во нов бран масовни воздушни напади во кои загинаа најмалку пет цивили и поттикнаа повици до Западот да ѝ обезбеди повеќе оружје на Украина.
– Мораме да одговориме на последниот напад врз Украина на јазик што ќе го разбере Путин: со заострување на санкциите за да не може да произведува ново оружје со шверцувани материјали и со снабдување на Киев со проектили со долг дострел за да ги неутрализираат руските локации за лансирање и командни центри – напиша Шикорски.
