Американскиот државен секретар, Марко Рубио, изјави дека Ормускиот Теснец „мора да остане отворен на еден или друг начин“, по новите американски напади врз ирански цели во јужниот дел на земјата. Тој истакна дека слободното поминување низ стратешкиот морски проток е клучно за глобалната безбедност, пренесе „Ројтерс“.
Рубио од Џајпур посочи дека разговорите со Иран напредуваат, но дека усогласувањето на текстот на евентуален договор може да потрае уште неколку дена. Според него, на масата е „сериозен предлог“ што ги опфаќа прашањата за Ормускиот Теснец, иранската нуклеарна програма и можноста за одмрзнување ирански средства.
