Русија е подготвена да го надомести недостигот на енергенси кај Кина предизвикан од војната со Иран и нарушувањата во Ормуската Теснина, изјави рускиот министер за надворешни работи Сергеј Лавров, пренесува „Ал Џазира“.
Изјавата доаѓа во време кога глобалните енергетски текови се под силен притисок поради блокадата на една од најважните поморски рути за транспорт на нафта и гас.
– Русија може да ги компензира енергетските недостатоци што се појавуваат кај Кина поради тековната криза – изјавил Лавров.
Тој ова го посочил за време на посетата на Пекинг, нагласувајќи ја подготвеноста на Москва да ја засили соработката со Кина во енергетскиот сектор.
Според анализите, нарушувањата во Ормускиот Теснец веќе влијаат врз снабдувањето со нафта и гас, што создава дополнителен притисок врз големите економии, меѓу кои и Кина како еден од најголемите увозници на енергенси.
Москва и Пекинг во изминатиот период ја продлабочуваат соработката, а ваквите изјави се толкуваат како сигнал за уште посилно поврзување во услови на глобална енергетска неизвесност.
