Последната статистичка анализа на „Евростат“ наведува дека 63 отсто од домаќинствата во Црна Гора се пренатрупани со луѓе. Според дефиницијата на изворот, едно домаќинство се смета за пренатрупано доколку нема минимум една заедничка просторија во домаќинството, една соба за партнерите, една соба за секое возрасно лице над 18 години, една соба за двајца тинејџери на возраст од 12 до 17 години или една соба за две деца под 12 години. Во меѓувреме, на долниот крај на листата се наоѓа Кипар, кој може да се пофали дека само 2,2 отсто од домаќинствата спаѓаат во оваа категорија, што е далеку под просекот од 17,1 отсто на Европската Унија.
