Планот, кој допрва треба да биде потврден, ќе предвидува квалификации за спринт-трките во петоците и спринт во саботите пред да има квалификации за главната гранпри-трка, а се размислува и за промена барем на одреден дел од почетниот состав за спринтот, пишува „Би-би-си“
Шефовите на Формула 1 го поддржаа предлогот за промена на форматот на спринтерски трки за следната сезона, пишува „Би-би-си“. Планот, кој допрва треба да биде потврден, ќе предвидува квалификации за спринт-трките во петоците и спринт во саботите пред да има квалификации за главната гранпри-трка, а се размислува и за промена барем на одреден дел од почетниот состав за спринтот, пишува „Би-би-си“. Спортскиот советодавен комитет на Ф1 ќе ги проучува потенцијалните последици пред да биде ставена идејата на формално одобрување во јануари.
Ова беа меѓу низата промени објавени по состанокот на големата награда на Абу Даби вчера од комисијата на Ф1 за правила на спортот што ги вклучува сите тимови, заедно со раководното тело ФИА и носителот на комерцијалните права Ф1. Потенцијалните промени во форматот на спринт се воведени поради загриженоста дека сегашниот систем е збунувачки, пишува „Би-би-си“.
Во претходните две сезони, квалификациите за големата награда се одржуваа во петоците, пред саботата да биде целосно посветена на спринтот, со квалификациска сесија пред трката. Но се чувствуваше дека аранжманот стави преголем јаз меѓу квалификациите и гранприто и отвори прашања за заслугите на акцијата во сабота, бидејќи последиците од спринтот, со неговите намалени поени, се минимални, пишува „Би-би-си“. Во соопштението на ФИА се наведува дека комисијата дала „целосна поддршка“ за промените во форматот на спринт.
Меѓу другите најавени промени беше и дополнителен тест на уреди насочени кон намалување на прскањето од автомобилите при влажно време, по неуспехот на првиот обид претходно годинава, договор дека „развојот на идните гуми треба да биде фокусиран на намалување на прегревањето и подобрување на тркачката способност“ доведе до одлука да се откаже од забраната за покривки за загревање гуми за 2025 година, договор дека тимовите не смеат да работат на развој на нивните болиди за новите технички прописи за 2026 година што ја придружуваат промената на форматот на моторот пред почетокот на 2025 година, пишува „Би-би-си“.
Сезоната во Формула 1 (Ф1) завршува утре (од 14 часот), со трката за големата награда на Абу Даби (ОАЕ). Тоа ќе биде 15-та трка на патеката „Јас Марина“, која беше домаќин на неколку големи шампионски моменти во историјата на Ф1, вклучувајќи ги првата титула на Себастијан Фетел во 2010 година, возбудливата шампионска победа на Нико Розберг во 2016 година и почетокот на владеењето на Макс Ферстапен, пишува Формула 1 на својата интернет-страница. Н.М.
