ФУДБАЛ – ПРЕМИЕР-ЛИГА
- Трите тима собраа вкупно 31 бод по девет кола, 13-от највисок број од промовирани тимови во оваа фаза во историјата на најсилната лига во Англија. Премиер-лигата е маратон, а не спринт, и сите три промовирани
клуба ќе имаат верба дека можат да градат врз своите охрабрувачки почетоци, пишува „Би-би-си“
Само пред неколку недели се чинеше дека играњето во англиската фудбалска Премиер-лига може да се покаже како чекор предалеку за новопромовираниот Ковентри, пишува „Би-би-си“. Откако ја освои титулата во дивизијата Чемпионшип лани и го обезбеди враќањето во најсилната конкуренција првпат од 2001 година, на тимот на тренерот Френк Лампард му беше дадено малку време да се навикне на новата средина кога почна сезоната во август. До крајот на првиот месец од враќањето во Премиер-лигата Ковентри беше на дното на табелата, откако ги загуби сите четири меча со вкупна гол-разлика 0-10. Но потоа тимот на Лампард внесе нов живот во својата сезона, победувајќи во три од следните пет средби, и е на 15. место на табелата.
Ковентри не е единствениот новак што импресионира, откако поранешните ривали од Чемпионшип, Ипсвич и Хал, исто така имаа охрабрувачки почеток. Трите тима собраа вкупно 31 бод по девет кола, 13-от највисок број од промовирани тимови во оваа фаза во историјата на Премиер-лигата. Хал и Ипсвич имаат по 11 бода. Ковентри е малку зад своите конкуренти што се промовираа од понизок ранг, но трите победи сепак им донесоа респектабилни девет бода. Ковентри вложи повеќе од 140 милиони фунти за 12 фудбалери. По летото исполнето со трансфери не е изненадување што на Лампард му беа потребни неколку недели за да го пронајде своето победничко влијание. А фактот дека три од нивните први четири кола беа против моментално првите три тима, Арсенал, Манчестер сити и Брајтон, очигледно беше далеку од идеален вовед. Играчот од средниот ред Џек Рудони инсистира дека неговиот тим уште „верува“ во својот квалитет по лошиот почеток на сезоната.
– Секогаш имавме таква верба. Имаме навистина добар тим тука, каде што моралот е добар и се поддржуваме еден со друг, што е она што ќе продолжиме да го правиме цела сезона. Знаеме дека нема да биде лесно патување, ќе има подеми и падови, но се надеваме дека ќе има повеќе подеми отколку падови – изјави Рудони за „Би-би-си“.
Кога Ипсвич обезбеди враќање во Премиер-лигата во мај, малкумина очекуваа многу. Во 2024 година, со што заврши 22-годишно отсуство од Премиер-лигата, го освоија 19. место. Но откако веднаш обезбедија враќање во Премиер-лигата и по значителни инвестиции во тимот во текот на летото, Ипсвич изгледа дека овој пат ќе се бори повеќе, пишува „Би-би-си“. По ремито 2-2 со Хал во саботата, тренерот Гери О’Нил рече дека го промени „карактерот“ на својот тим откако се враќаше од негатива втор меч по ред во Премиер-лигата.
– Нашите момци имаат карактер и само треба да продолжиме така. Хал е многу добар тим и навистина сум задоволен како се справивме – рече О`Нил.
Сезоната во Премиер-лигата едвај почна кога Хал привлече внимание, со по две победи и ремија. Оттогаш освои уште три бода, но Премиер-лигата е маратон, а не спринт, и сите три промовирани клуба ќе имаат верба дека можат да градат врз своите охрабрувачки почетоци, пишува „Би-би-си“. Н.М.
