Нега и убавина
Нашиот скалп треба да произведе одредено количество масло за да остане влажен и да ја заштити косата со формирање тенок слој. Меѓутоа, прекумерното количество маснотии може да доведе до недостиг од волумен. За среќа, ако ја откриете причината за прекумерно мрсната коса, можете да ја ставите под контрола.
Пречесто ја миете косата: Една од најчестите причини зошто вашата коса станува мрсна е затоа што ја миете почесто отколку што треба. Има многу добри бактерии на скалпот што промовираат здраво ниво на pH на кожата, а честото миење може да предизвика да се наруши рамнотежата на pH вредноста. Најдобро би било постепено да го намалувате бројот на миења на косата и да користите производи што не го сушат скалпот.
Често ја носите косата собрана во опавче: Иако многу луѓе користат коњско опавче како добар начин да ја скријат мрсната коса, оваа фризура всушност предизвикува акумулација на маснотии под коренот на косата. Тоа е затоа што таквите фризури бараат многу производи за стилизирање. Затоа, не треба да претерувате со производите за стилизирање.
Не ја плакнете косата со ладна вода: Миењето на косата со топла вода помага да се отворат порите, но и да се отстрани нечистотијата. Но, тоа може да биде и штетно за косата бидејќи го измива лојот и може да го исуши скалпот, што на крајот доведува до првут и мрсна коса. Во овој случај најдобро би било да користите топла вода додека нанесувате шампон и регенератор, а на крајот да ја исплакнете косата со ладна вода за да ги затворите порите.
Избирате погрешен производ: Кога ја миете косата, важно е да користите производи што одговараат на вашата коса и скалп. Производите што се премногу силни може да ја направат вашата коса мазна и мрсна. Ако имате нормален тип на коса, треба да избегнувате производи наменети за сува и оштетена коса.
Често ја допирате косата: Кога ја допирате косата, ги пренесувате бактериите и на тој начин ја поттикнувате побрзо да се мрси. Исто така, пречестото четкање може да предизвика вашата коса побрзо да се мрси. Затоа, најдобро е што помалку да ја допирате косата и да ја чешлате само двапати на ден.
