Истражувачите од институтот „Каролинска“ ја истражувале идејата за испраќање дронови опремени со автоматизирани надворешни дефибрилатори на пациенти со срцев удар наместо амбулантни возила и откриле дека во повеќе од половина од случаите беспилотните летала се побрзи за три минути. Во повеќето случаи кога пациентот доживува срцев удар се користи дефибрилатор испорачан со дрон за да се спречи понатамошно влошување или смрт.
– Употребата на дефибрилатори е најважниот фактор за спасување животи. Ние користиме беспилотни летала опремени со дефибрилатори од летото 2020 година, а студијата покажа дека беспилотните летала пристигнуваат на местото неколку минути пред возилата на брзата помош. Тој пат им овозможува на луѓето да користат дефибрилатори на местото на настанот во неколку случаи – изјави главниот истражител Андреас Клаесон.
Срцевиот застој е потенцијално фатална медицинска состојба што се јавува кога срцето наеднаш ќе престане да чука. Тоа може да се случи како резултат на срцев удар, аритмии или други срцеви нарушувања. За да се спаси животот на една личност, потребна е итна интервенција.
Употребата на дефибрилатор е една од најважните интервенции во случај на срцев удар. Дефибрилацијата е медицинска процедура во која терапевтска доза на електрична енергија се доставува до срцето за да се врати нормалниот срцев ритам. Дефибрилаторите рутински се користат за таа намена на јавни места, во домови и во болници. Тоа е причината зошто нивното доставување до локации каде што се случил срцев удар е од критично значење.
Институтот „Каролинска“ од 2020 година ја тестира идејата за испраќање дронови со дефибрилатори истовремено со амбулантни возила за да се намали времето на пристигнување на локацијата. Во проектот учествувале 200.000 лица во Шведска, а првите резултати добиени во текот на летото 2020 година покажале дека концептот е одржлив и безбеден.
Беспилотните летала биле користени за доставување дефибрилатори во 55 случаи на сомнителен срцев удар, а во 37 случаи (67 проценти) пристигнале пред брзата помош, во просек 3 минути и 14 секунди.
– Нашето истражување покажува дека е можно да се достави дефибрилатор со беспилотни летала и дека тоа може да се направи неколку минути пред пристигнувањето на брзата помош – беше јасен Клаесон.
Тој додаде дека, за да заштеди време, итниот медицински центар може да му укаже на лицето што се јавило на 911 како да го извади и користи дефибрилаторот во некои ситуации пред да пристигне медицинскиот тим.
