Сместен на околу 35 километри од брегот од Пингтан во провинцијата Фуџијан, ветерниот парк се состои од 11 единици на ветерни турбини, вклучувајќи ја и најголемата 16-мегаватна единица за поморски ветерни турбини во светот
Во Фуџијан беше пуштен во употреба најголемиот ветерен парк во светот
Најголемата поморска постројка за производство на електрична енергија од ветер во светот во однос на капацитетот на една единица, лоцирана во провинцијата Фуџијан и управувана од државната фирма за електродистрибуција, е целосно поврзана со мрежата и почна неодамна да произведува електрична енергија, соопшти компанијата.
Сместен на околу 35 километри од брегот од Пингтан во провинцијата Фуџијан, ветерниот парк се состои од 11 единици на ветерни турбини, вклучувајќи ја и најголемата 16-мегаватна единица за поморски ветерни турбини во светот. Вкупната инсталирана моќност на ветерниот парк достигнува 111 мегавати, се вели во соопштението.
Ветерната турбина ќе генерира околу 360 милиони киловат-часа електрична енергија годишно, што може да замени околу 103.800 тони стандарден јаглен годишно и да ги намали емисиите на јаглерод диоксид за околу 283.800 тони.
Леи Мингшан, претседател на државната фирма за електродистрибуција, рече дека 16-мегаватната морска ветерна турбина е огромен напредок во основната технологија на индустрискиот синџир на ветерни паркови за производство на електрична енергија и ќе го поттикне одржливиот развој на индустријата за ветерна енергија во земјата.
