На 4 октомври, 56 кинески воени авиони влетаа во Тајванската зона за идентификација на воздушната одбрана (АДИЗ), што е најголемиот упад откако островот првпат започна да известува за таква активност во септември 2020 година. Стануваше збор за 38 борбени авиони „џ-16“, дванаесет бомбардери „х-6к“, два противподморнички авиона „ј-8“ и два авиона за предупредување и контрола „кџ-500“. Тајванското министерство за одбрана соопшти дека користело сопствени борбени авиони и ракетни системи за да ја следи кинеската активност со издадени радиопредупредувања.
Ваквите инциденти не се ретки и познато е дека кинеските воени авиони ја минуваат чувствителната средна линија, која неофицијално го одвојува воздушниот простор на островот и копното. Она што го прави инцидентот од 4 октомври значаен е огромниот број вклучени авиони на воздухопловните сили на Ослободителната народна армија (ПЛААФ). Размерот и фреквенцијата на кинеските воздушни активности се зголемија од почетокот на 2021 година. Досега во октомври беше забележана силна фреквенција, со тоа што само на првиот ден од месецот беа извршени 38, а на вториот 39 упади во воздушниот простор.
