Домување
Тричлено домаќинство годишно троши околу 11 отсто од електричната енергија за готвење, а постојат неколку трика за заштеда на енергија во кујната.
За почеток, ако се користи капак, топлината не може да избега од тенџерето. Тоа е трипати поефикасно од готвењето без капак, а храната исто така ќе се загрева побрзо.
Енергија може да се заштеди и со избирање тенџере и тава чии радиуси одговараат на големината на ринглата. Радиусот на садовите може да биде дури и малку поголем.
Дополнително, пари и енергија може да се заштедат доколку во тенџерето се истури само потребното количество вода, бидејќи тоа го забрзува процесот на загревање и на тој начин ја намалува потрошувачката на вода и енергија.
Јајцата и зеленчукот може да се зготват само на 2 сантиметри вода – со други зборови, без да бидат покриени со вода.
Последниот совет е за љубителите на тестенини – ставете ги во тенџере додека водата е сѐ уште ладна. Така тестенините побрзо ќе бидат готови.
