Ви предлагаме неколку веб-сајта за деца што многу ќе ве разонодат, но истовремено, со нивна помош, ќе можете да научите голем број интересни работи
Креативно катче
Скреч (Scratch): Ова е веб-сајт што го креираа вработените во „Лајф лонг киндергарден груп“ при Институтот за технологија во Масачусетс, САД. Деца над осум години тука можат да креираат интерактивни приказни, игри, анимации, музика, уметнички дела, со помош на едноставен графички интерфејс, што имитира блокови за градење единствена програма.
Нешенел џеографик мапс (National Geographic maps): Наменет е за деца што ги обожаваат мапите и е одличен за пронаоѓање патни, физички, сателитски мапи, како и оние со зададени теми (популација, време, планирање патувања…).
Инвеншн дименжн (Invention Dimension): На оваа страница се избира пронаоѓач на неделата. Игрите вклучуваат и предизвик на месецот, а програмата „Бреин дреин“ (Brain Drain) им овозможуваат на децата да си го тестираат коефициентот на интелигенција на пронајдоците наспроти оној на компјутерот.
Петс ворлд фор кидс (Pets world for Kids): Идеална страница за деца од прво до петто одделение што ги сакаат инсектите. Тука посетителите на пријателите можат да им испратат петскард и да играат игри како „Авантурите на Арчибалд“ (Archibalds Adventure) за да ѝ помогнат на анимираната мравка да ги избегне опасностите и да ја пронајде храната.
Maj поп студио (Мy Pop Studio): Веб-сајт за девојчиња што можат да креираат сопствена слика на поп-ѕвезда, да прават ТВ-шоу и да издадат списание.
Џи гајдс (GeeGuides): Тука има мешавина на историја и уметност, со уметнички инструкции во добро дизајнирана онлајн-програма за деца. Ова е единствен сајт на списокот што не е бесплатен, но може да се сфати како своевидно уметничко училиште.
Блек холс (Black Holes-Gravitys Relentless Pull): За деца од 13 до 16 години, кој ве води на патувања во црните дупки во вселената и овозможува да го истражите небото за да научите многу за скриените црни дупки.
„Архитект студио 3Д“ (Architect Studio 3D): За деца од 10 до 15 години, одличен за нивно запознавање со архитектурата. На пример, можете да дизајнирате куќа со советите на познатиот светски архитект Франк Лојд Рајт.
