Бидејќи воената технологија и доктрина се на страната на бранителот, секоја смена на линијата на фронтот е скапо платена. Вака анализира британскиот парламентарец од Конзервативната партија и советник на Советот за трговија во Министерството за економија и трговија, Даниел Ханан, кој прави споредба со Првата светска војна, укажувајќи дека таа завршила затоа што живата сила на Антантата била помоќна од онаа на Централните сили…
Британски парламентарец во коментар за „Телеграф“ со своја анализа за ситуацијата во Украина
Британскиот парламентарец од Конзервативната партија и советник на Советот за трговија во Министерството за економија и трговија, Даниел Ханан, деновиве објави интересен коментар за весникот „Телеграф“, во кој дава свoе видување на ситуацијата на фронтот во Украина.
– Украинската контраофанзива пропадна. Или, како што рече претседателот на Украина, Володимир Зеленски, не ги постигна посакуваните резултати. Додека уморните Украинци се повлекуваат од руските бедеми и мински полиња, Русија презема иницијатива. Русите сега се движат кон остатоците од градот Маринка во областа Донецк. Стратегиски гледано, тоа не е некоја цел. Но, психолошки, тоа е многу важно. Повторно го бомбардираат Киев со ракети. Првата дама на Украина, Олена Зеленска, предупредува дека нејзината татковина е во смртна опасност. Сега Украинците треба да копаат и да го задржат она што го освоија – пишува Ханан, при што додава дека фронтот во Украина наликува на оној од Првата светска војна и дека се протега од делтата на Днепар до украинско-руската граница.
Бидејќи воената технологија и доктрина се на страната на бранителот, секоја смена на линијата на фронтот е скапо платена, толкува Ханан, кој прави споредба со Првата светска војна, укажувајќи дека таа завршила затоа што живата сила на Антантата била помоќна од онаа на Централните сили.
– Во случај на војна во Украина, Русија има помоќна работна сила. Третина од компаниите што работеа во цивилниот сектор пред војната сега работат за војската. Исто така, можно е Русија да има помоќна флота од беспилотни летала: модерен еквивалент на бодликава жица и митралези, кои им помагаа на одбранбените сили во Првата светска војна за време на битката во калта кај Фландрија – додава Ханан.
Британскиот парламентарец смета дека овој економски пресврт ќе донесе години сиромаштија во Русија. Сепак, тој сега ѝ помага. Русија ја помина зимата без поголеми победи на Украинците.
– Сигурно има и такви што сега ќе кажат дека пробивањето на утврдената руска одбрана отсекогаш било тешка задача. Застојот во кој се најдоа Украинците и Русите не беше нешто што се предвидуваше во јуни. Јас бев првиот што од Украинците очекуваше да се пробијат до Азовско Море. Во текот на 2022 година, Украина покажа дека Русија не може да го снабдува Крим преку Керчкиот Теснец. Доколку тој копнен мост се пресече, руските сили на полуостровот би се нашле во многу неповолна положба. Украина би можела да престане да испраќа струја и храна на островот и да отвори преговарачка позиција. Што згрешив? Украина ја имаше опремата што отсекогаш ја бараше, а бунтот организиран од шефот на платеничката армија на Вагнер, Евгениј Пригожин, покажа колку Русија е нестабилна – тврди Ханан.
– Напаѓачите научија од своите грешки. Додека Украина беше зафатена со обука на своите војници, Русија ја ископуваше линијата на фронтот, градеше утврдувања, копаше ровови и складираше беспилотни летала. На рускиот претседател Владимир Путин му остануваат уште само 12 месеци. Дури и ако неговиот голем обожавател Доналд Трамп не стане претседател на Соединетите Американски Држави, американскиот Конгрес, во кој Републиканската партија во моментов има мнозинство, повеќе не е подготвен да ја финансира украинската одбрана. Минатата недела тој го блокираше пакетот помош од 110 милијарди долари што американскиот претседател Џо Бајден сака да го испрати во Киев. Републиканците тврдат дека тоа го прават од финансиски причини, но лесно е можно тоа да го направиле затоа што не им се допаѓа претседателот – рече британскиот парламентарец и додаде дека имаат многу причини да го мразат Бајден.
Ханан вели дека споменатиот развој го израдувал Путин, кој оваа недела посети дури две земји што тврдат дека се неутрални – Обединетите Арапски Емирати и Саудиска Арабија. Откако трае војната во Украина, рускиот претседател ги посети само поранешните советски земји и Иран и Кина – земји со кои владеат режими поволни за него, кои, како него, активно се противат на Западот.
– Зошто патуваше во земји што безбедносно се поврзани со Западот? Дали е можно да е склучен некаков договор? Дали Саудијците дискретно беа замолени да го слушаат? Дали е можно ова да е вовед во мировните преговори? Ако е така, тоа ќе биде огромна катастрофа за Западот. Секој договор за наградување на руската агресија ќе покаже дека моќната Северноатлантска алијанса не е во состојба да ја заштити Украина. Немаше интервенција во Украина бидејќи е либерална демократија. Да, таа е многу полиберална од Русија, но не е на ниво на Западот. Русофилските партии се забранети, а се стравува дека слична судбина може да ги снајде и партиите наклонети кон Западот. Постојано се прашував зошто украинскиот претседател Зеленски не ги покани другите украински партии во воената коалиција. Истовремено, Полска беше водена од авторитарен режим во 1939 година, па сепак беше нападната, откако Западот ѝ ја гарантираше слободата. Истото тоа ѝ го вети на Украина во 1994 година кога побара од неа да го предаде нуклеарното оружје – тврди Ханан.
Ханан вели дека другите авторитарни и диктаторски режими низ светот ќе бидат зајакнати доколку Русија добие шанса да прогласи победа над Украина. Ако НАТО и Западот не се таму да дејствуваат и да бидат светски полицаец, ќе има уште обиди како оној на Венецуела за анексија на дел од Гвајана.
– Американскиот политичар Семјуел П. Хантингтон рече дека Западот го освои светот затоа што е способен да користи организирано насилство и затоа што неговите идеи, вредности и религија се подобри. Западњаците често го забораваат ова. Другите никогаш – напиша Ханан.
