Претставници на организацијата на Македонците од Бугарија, ОМО „Илинден“ – Пирин денеска на повеќе локации го одбележа одбележан денот на Македонското (Кресненско) Востание.
![](https://novamakedonija.com.mk/wp-content/uploads/2022/10/omo-ilinden3.jpg)
На Фејсбук профилот на организацијата информираат дека во 10 часот во градот Кресна, пред споменикот на Димитар Поп-Георгиев Беровски, говор одржал Стојко Стојков.
![](https://novamakedonija.com.mk/wp-content/uploads/2022/10/omo-ilinden2.jpg)
-Се оддаде почит со полагање венци, свежо цвеќе, паѓање на колена и едноминутно молчење. Во 11 часот во село Стара Кресна, пред споменикот на востанието говори одржаа Кирил Тилев од ОМО Илинден, како и Даринка Тапанска од ОМО Илинден – Пирин. Во 12 часот во село Оштава се одржа панихида за загинатите во ова македонско востание – се вели во соопштението од ОМО „Илинден“ – Пирин.
![](https://novamakedonija.com.mk/wp-content/uploads/2022/10/omo-ilinden1.jpg)
Оттаму велат дека чествувањето и свеченоста продолжило со македонски песни и другарување помеѓу сите македонски организации заедно.