Земјотрес со епицентар во соседна Албанија утрово беше почувствуван во Струга и околината со интензитет од три степени според Европската макросеизмичка скала.
Според информациите од Сеизмолошката опсерваторија при Природно-математичкиот факултет во Скопје, епицентарот на потресот бил лоциран на околу 144 километри југозападно од Скопје.
Земјотресот е регистриран со локална магнитуда од 4 степени според Рихтеровата скала.
Засега нема информации за причинета материјална штета или повредени лица.
