Европската унија е подготвена постепено да ги олесни санкциите кон Иран доколку се постигне сеопфатен договор, изјави германскиот канцелар Фридрих Мерц на самитот на ЕУ во Никозија.
– Олеснувањето на санкциите може да биде дел од процесот и никој не се противи на тоа – изјави Мерц.
Како што пренесува „Ројтерс“, оваа позиција е дел од пошироките напори на Унијата да придонесе кон напредок во преговорите и постигнување траен прекин на огнот во регионот.
ЕУ, според Мерц, е подготвена да даде свој придонес во дипломатскиот процес, доколку се создадат услови за стабилизација и договор меѓу засегнатите страни.
