Животни
Првите што забележуваат кај идните мајки дека нешто се менува во нивните тела не се партнерот, пријателка или лекар – туку кучето. Миленичињата често стануваат необично внимателни, понежни или, пак, заштитнички расположени кон своите сопственици во моментите кога стомакот почнува да расте. Стручњаците објаснуваат дека, и покрај тоа што кучињата не знаат дека жената е бремена во вистинската смисла на зборот, нивните изострени сетилни сензори сепак препознаваат дека се случува нешто значајно.
Кучињата, наводно, можат да го забележат и зголемениот стомак на својата сопственичка, а можат и да почувствуваат промена на мирисот кај нив, тврди Американскиот кинолошки клуб. Иако професорите од Факултетот за ветеринарна медицина во Охајо тврдат дека кучињата не знаат дали нивната сопственичка е бремена, тие истакнуваат дека тие несомнено чувствуваат дека се случила некаква промена, па затоа се однесуваат поинаку.
Кучињата се искусни набљудувачи. Имаат одлични сетилни способности и не е чудно што чувствуваат дека нешто е поинаку кога жената е бремена. Кај бремените жени се случуваат многу промени во телото што може да резултираат со промена на мирисот, а кучињата се познати по својот моќен мирис. Сепак, кучињата се суштества што ги тренираме за откривање дрога и експлозиви, а истражувањата покажуваат дека кучињата можат да откријат здравствени состојби како рак, мигрена и епилептични напади. Покрај тоа што ќе ги детектираат хормоналните промени преку мирисот, кучињата можат да ги слушнат и отчукувањата на срцето на фетусот. И покрај тоа што нема многу формални истражувања што ја потврдуваат оваа теорија, многу мајки тврдат дека нивните кучиња ја почувствувале бременоста. Некои кучиња сакаат да бидат поблиску до нивните сопственици, па честопати спијат со нив и се гушкаат, додека други стануваат загрижени и ги заштитуваат сопствениците од секоја закана, иако понекогаш тоа е само сопругот или можеби правосмукалката. Стручњаците велат дека кучињата дури можат да почувствуваат кога започнува породувањето.
