Полициски службеници ангажирани за физичко обезбедување на меѓународниот ракометен турнир заедно со екипа од противпожарна заштита денеска презеле мерки и активности со цел спречување на ширење пожарот, кој денеска околу 16 часот изби во непосредна близина на спортскиот центар „Борис Трајковски“ во Скопје.
Како што соопшти МВР, полицајците и пожарникарите спречиле пожарот да ги зафати моторните возила и објекти како и лизгалиштето што е во склоп на спортскиот центар.
– Исто така безбедно е направена евакуација на учесниците на турнирот и сите други спортски работници и публика – нагласи МВР..
Како последица на настанатиот пожар девет полициски службеници се на кислородна поддршка на Одделот за токсикологија поради вдишување на чад и се во стабилна состојба.
