Триесет и седумгодишен жител од струмичкото село Еднокуќево синоќа починал во сообраќајка на влезот во село Босилово.
Како што е наведено во полицискиот билтен, синоќа во 21.50 часот било пријавено дека на магистралниот пат Струмица — село Ново Село, поточно на влезот во село Босилово, патничко моторно возило „Опел Корса“ со скопски регистерски ознаки управувано од М.Р.(37) од село Еднокуќево, струмичко излетало надвор од патот и се превртело.
Возачот починал на самото место. Извршен е увид на местото на настанот.
