Животни
Сите знаеме дека мавтањето со опашката или цивкањето кога го земаме поводникот значи дека нашите кучиња се возбудени, но колку се тие возбудени? Експертите за однесувањето на кучињата откриваат што најмногу ги поттикнува кучињата. Тие решија да го тестираат и да измерат како пулсот на нашите кучиња реагира на одредени сценарија. Дали тие се предизвикани од нивниот сопственик кога си доаѓа дома од работа или всушност се само поттикнати од бакнежот и „те сакам“?
Покажувањето наклонетост е одлично за здравјето на кучето. Веројатно веќе знаете дека кучињата прават чуда за нашето физичко и ментално здравје. Тие ги намалуваат нивото на стрес, крвниот притисок и ризикот од срцеви заболувања. Сепак, се испостави дека слична магија доживуваат и нашите сакани четириножни пријатели, а за здравјето на кучето има големи придобивки ако му покажуваме љубов секој ден.
Експертите за проучување на однесувањето на кучињата спроведоа истражување за да го откријат вистинското значење зад лижењето, цивкањето, лаењето и други нешта што нашите миленици ги прават секој ден. Потоа компанија од Велика Британија ги тестирала и им го измерила пулсот на кучињата за да дознае како точно реагираат на одредени сценарија. Нивните откритија доведоа до некои големи сознанија. Имено, пулсот на кучињата се зголемува за 46,2 отсто кога нивните луѓе ќе им кажат: „Те сакам“. Нашиот заклучок е дека од денеска треба уште почесто да ги опсипуваме со љубовни зборови нашите крзнени пријатели.
