Израелската армија соопшти дека мобилизира дополнителни резервни војници поради ескалацијата на тензиите со Либан. Израелската армија денеска соопшти дека го убила лидерот на Хезболах, Хасан Насрала во нападот на Бејрут.
Армијата соопшти дека извршила прецизен воздушен напад за време на состанокот на раководството на Хезболах во седиштето во Дахија, јужно од Бејрут.
Утрово израелската армија изврши неколку напади на југот на Бејрут и долината Бека во источен Либан. Хезболах истрела десетици проектили низ северен и централен Израел и окупираниот од Западен Брег од Израел.
Армијата соопшти дека активира три баталјони резервни војници, откако претходно оваа недела испрати два баталјона во северен Израел за да се обучуваат за можна копнена инвазија.
Јужните предградија на Бејрут утринава се уште се покриени со чад од воздушните напади, а улиците се празни. Засолништата поставени во центарот на градот за раселените лица беа преполни. Многу семејства спиеле на плоштади и плажи или во своите автомобили. Стотици луѓе побегнаа пеш кон планините над главниот град.
Министерството за здравство на Либан денеска објави дека планира да ги евакуира болниците во јужен Бејрут поради ескалацијата на израелските воздушни напади.
Министерството, исто така, ги повика болниците во Бејрут кои не се погодени од нападите да ја прекинат работата на случаите кои не се итни до крајот на неделата за да примаат пациенти од јужните предградија.
Хезболах денеска потврди дека нејзиниот лидер и еден од основачите Сајед Хасан Насралал е убиен во израелски воздушен напад и најави дека ќе продолжи да се бори против Израел. Во соопштението се наведува дека Насрала „се приклучил на своите маченички браќа“, пренесува АП. Во соопштението, Хезболах ветува дека „ќе ја продолжи светата војна против непријателот и ќе ја поддржи Палестина“.
