Полицијата лишила еден албански државјанин и еден гостиварец поради сомнение дека се сторители на тешки кражби. При претресот откриено е огнено оружје.
Во полициска станица биле приведени Р.К. (30) од Албанија и И.А. (26) од Гостивар. Според МВР, вчера попладне со судска наредба, полициски службеници извршиле претрес во работилница на улица „18 Ноември“ во Гостивар, сопственост на М.Г.(68).
Притоа, во работилницата бил затекнат Р.К. за кого постои сомение за извршени повеќе кривични дела кражба и поседување огнено оружје, како и други кривични дела. При претресот биле пронајдени една автоматска пушка без рамка, една рамка за автоматска пушка со 24 куршуми калибар 7.62 мм, една рамка за пиштол со четири куршуми, еден пиштол без рамка. Меѓу пронајдените работи имало: девет мобилни телефони, две дигитални камери, осум рачни часовници, бижутерија и други предмети.
Сите пронајдени предмети биле одземени и дадени на вештачење. Р.К. бил лишен од слобода и задржан во полициска станица. Се преземаат мерки за целосно расчистување на случајот.
