Повеќе од 20 луѓе беа убиени, а меѓу 50 и 60 беа ранети кога напаѓачот Роберт Кард почна да пука во градот Левистон во американската сојузна држава Мејн. Престрелката се случила во кугларница и во ресторан. Тие веднаш до медиумите ги пренесоа сведоштвата на луѓето што биле блиску до местото каде што се случил крвавиот пир.
Никол Виман Арел изјави за „Си-ен-ен“ дека видела повеќе од десетина луѓе како ја напуштаат кугларницата. Таа го опиша и големото присуство на полиција и служби за итни случаи.
Како што рече, видела лице што било измачкано со крв, но не можела да разбере дали тоа лице е повредено, а видела и цели семејства во кугларницата.
– Да, имаше деца, тоа беше веројатно најтешкиот дел. Семејствата ја напуштаа кугларницата – вели Арел, која била сведок на пукањето заедно со ќерка си.
– Таа, дефинитивно, беше исплашена.
Почнала да плаче и рекла:
– Ова е страшен свет во кој живееме, мамо – рекла Арел.
Били Џејн Кук, шокирана жителка на Левистон, за „Би-би-си“ изјавила дека се враќала од ноќно излегување кога слушнала за нападот и за убиецот, кој е во бегство.
– Сирените ечеа. Хеликоптери, полиција, никогаш во животот не сум слушнала толкава активност во овој град. Дојде и полиција од друга држава – рекла вознемирено Кук.
Кук додала дека му се јавила на еден од своите синови додека возела дома.
Најмалку 22 лица загинаа, а меѓу 50 и 60 луѓе се ранети во престрелка во градот Луистон, во американската сојузна држава Мејн, што се случи вчера вечерта на две локации.
Billie Jayne Cooke describes the unimaginable lockdown situation in Lewiston after the main shootings. Stay safe! #LewistonShooting #Lockdown https://t.co/wUqSMYho5O
— Hourly News (@News_Timing) October 26, 2023
