Што штитат најбизарните американски закони
На инстаграм-страницата на „Травелогс“ беше објавено интересно видео што ги издвојува 12-те најбизарни закони во САД, а на листата се наоѓаат мошне чудни работи, од одење наназад, слонови и апарати за паркирање, хипнотизирани луѓе до лажни мустаќи.
– Секоја сојузна држава во САД има запишано некој чуден закон, а листата на бизарност е долга. Ова е само една од листите на најглупавите закони – наведуваат тие во описот на видеото што ги издвојува 12-те најбизарни.
Меѓу нив, како прв на листата е наведен оној од Алабама, каде што е забрането да се носат лажни мустаќи што можат да насмеат некого во црква. Следува Ајова, каде што пијанист со една рака мора да настапи бесплатно, а потоа Невада, каде што маж со мустаќи не смее да бакнува жени.
На четврто место е Тексас, каде што законот забранува пукање во бик од вториот кат на хотел, а потоа следува Калифорнија, каде што е забрането да се јаде портокал додека се капете во када. Списокот на бизарни закони за кади не завршува тука, во Јужна Каролина е забрането да се чуваат коњи во кади.
Во Ајдахо, маж не смее да ѝ поклони на девојка кутија бонбони полесна од 22,5 килограми, а законот во округот Мохаве, Аризона, наведува дека секој што ќе биде фатен како краде сапун ќе мора да пере без прекин додека не го потроши.
Градот Девон во Конектикат забранува одење наназад по зајдисонце, а ако врзете слон за апарат за паркирање во Флорида, за него морате да платите иста цена како за автомобил.
Во Илиноис е нелегално да се донесе француска пудлица во операта, додека во Оклахома е нелегално да се стави хипнотизирана личност во излог на некоја продавница.
