Словенија
Словенците на референдум усвоија закон за да се спречат политичките назначувања во јавната телевизија. Како што веќе најавивме, во неделата Словенците одржаа референдум за три за нив исклучително важни прашања, а едно од нив беше јавниот програмски сервис – државната телевизија РТВ Словенија.
Според тамошното јавно мислење, откако медиумската клима во земјата се влошила за време на претходниот премиер Јанез Јанша, било неопходно да се излезе на референдум. Изборната комисија ги објави резултатите, според кои повеќе од 62 отсто од гласачите дале согласност законот да стапи во сила, веројатно на почетокот на 2023 година.
Неколку здруженија за одбрана на медиумите, како што е Медиумската организација на Југоисточна Европа (СЕЕМО), го поздравија амандманот, кој има цел да ја „заштити уредувачката независност“ на каналот РТВ Словенија од „политичко и сигурно уништување“.
Конзервативниот лидер Јанез Јанша, кој беше на власт од 2020 до 2022 година, ги засили нападите врз медиумите, обвинувајќи ги за пристрасност, и ги смени повеќето функционери на РТВ и назначи роднини, пренесуваат медиумите.
Телевизијата оттогаш беше потресена од неколку протести против преориентација на програмата и притисок врз новинарите, додека Словенија падна од 54-то на 36-то место на најновото рангирање на невладината организација Репортери без граници (РСФ).
Според текстот, Владата и парламентот повеќе нема да имаат право да назначуваат функционери, а телевизијата ќе биде ставена под надзор на граѓански групи – вработени, заштитници на права, Академијата на науките итн.
