Во Штип, денеска попладне околу 18.30 часот избувнал пожар во два стана од зграда, при што било повредено едно лице, инфомираше вечерва Регионалниот центар за управување со кризи (РЦУК) од Штип.
– Пожарот на двата стана е на трети кат во зграда број 5 на улицата Широк Дол во Штип. Поради чадот дошло до гушење на едно лице на кое не се забележуваат видливи поврди. На повредениот му е укажана лекарска помош и е надвор од животна опасност – соопшти РЦУК Штип.
Според соопштението, противпожарните екипи излегле на терен со две противпожарни возила и екипа на брзата помош, а подоцна се приклучиле уште две возила и пожарникари.
