Навикнати сме на оваа шарада, порача на твитер албанскиот премиер Еди Рама, познат по својот специфичен стил на изразување со ироничен тон, како коментар на eфотографија на која е сликан заедно со премиерот Димитар Ковачевски.
Still waiting for Godot? No, we are used to this charade and we are more then ever committed to push forward our countries and our region modernization with unwavering European spirit🇦🇱🤝🇲🇰 pic.twitter.com/bmxXK8WXbc
— Edi Rama (@ediramaal) June 23, 2022
– Сè уште го чекаме Годо? Не, ние сме навикнати на оваа шарада и повеќе од кога било сме посветени да ја поттикнеме модернизацијата на нашите земји и нашиот регион со непоколеблив европски дух – напиша Рама под заедничката фотографија снимена во Брисел каде заедно со Ковачевски учествуваат на самитот ЕУ-Западен Балкан.
Претходно, денеска на пред почетокот на самитот Рама изјави дека е срамно што една земја членка на НАТО – Бугарија, киднапира две други земји членки на НАТО – Албанија и Македонија во време на жестока војна во дворот на Европа. Тој истакна дека Албанија не се чувствува како жртва на овој процес, бидејќи како што нагласи, секогаш ќе има по некоја Бугарија „овде или онде“ што може да блокира.
