За регионалните предизвици и европската перспектива на Македонија разговарале денеска министерот за надворешни работи, Бујар Османи и неговата британска колешка Лиз Трас. Османи е на состанокот на министри за надворешни работи од Западен Балкан што ќе се одржи во Лондон.
Двајцата министри разговарале и за билатералната соработка. Констатирале дека Западниот Балкан има важна улога за севкупната стабилност и напредок на Европа, а интеграција на регионот во Европската унија претставува взаемен геостратешки интерес од политички, безбедносен и економски аспект.
-Соговорниците се согласија дека е неопходен е засилен ангажман и присуство во регионот на Обединетото Кралство, САД и Европската унија што ќе придонесе кон остварување на заедничката цел – стабилен и просперитетен Регион. Европската и евроатланската перспектива остануваат главна движечка сила за трансформација на сите земји од Регионот во демократски и економско развиени општества и во таа насока отворањето на пристапните преговори на Северна Македонија и Албанија со Европската унија позитивно на стабилноста и долгорочниот развој на целиот континент – се наведува во соопштението на македонското МНР.
Османи на маргините на министерскиот состанок во Лондон се сретна и со други функционери од ЕУ, САД и Британија.
