„Авантур пежо“ ќе учествува на 42-то издание на „Епок ауто“ во Лион од 5
до 7 ноември годинава. Овој настан е посветен на сите винтиџ ентуазијасти и
љубители на олдтајмери.
За 211-от роденден на брендот „Пежо“, на овој настан „Авантур Пежо“ има можност да прослави две годишнини:
130 ГОДИНИ ОД „Пежо тип 3“
Ова беше „првиот автомобил испорачан во Франција на приватно лице. На 2 октомври 1891 година „Пежо“ го предаде првиот патнички автомобил на приватно лице: г-дин Пупардин, жител на Дорнах, кој го нарачал својот автомобил на 27 август истата година. Тоа беше автомобил со 4 седишта со мотор од 2 КЦ (Дајмлер).
По пробното возење во 1889 година со возило на пареа, Арманд Пежо го произведе
својот прв автомобил на бензин во 1890 година, познат како Тип 2.
Во 1891 година, за да го претстави својот нов модел, „Виз-а-ви“ Тип 3 со четири седишта, тој имал идеја да ја следи велосипедската трка Париз-Брест-Париз, со цел да оствари поголем интерес за време на настанот.
Од Валентиње до Париз и Брест и назад, возилото поминало 2.045 км со просечна брзина од 14,7 км/ч и илјадници Французи првпат го погледнале автомобилот.
Овој модел е произведен од 1891 до 1894 година во 64 примероци.
Технички карактеристики: В2 мотор од 565 сантиметри кубни , моќност 2 КЦ, четирибрзински менувач.
Од 1891 година, речиси 75 милиони возила се испорачани во 160 земји.
80 ГОДИНИ ОД „Пежо ЛЦВ“ (Градско Возило од лесна категорија)
За време на Втората светска војна, рационалното трошење на бензинот ги поттикна производителите да бараат алтернативни извори на енергија. Peugeot беше единствениот голем производител кој се интересираше за овој начин на погон и предизвика изненадување со објавувањето на своето електрично „ЛЦВ“ на 1 мај 1941 година. Возилото наменето за урбана употреба се користело поконкретно од поштари или луѓе од медицинската професија. 377 примероци беа произведени помеѓу 1941 и 1943 година.
Технички карактеристики: електричен мотор, 3,3 КЦ, напојуван од 4 батерии од 12 волти, опсег од 75 до 80 км. Максимална брзина: 36 км/ч.
Светот многу се промени во овие 211 години, а темпото на промени значително се забрза во последните десет години. Дигитализацијата и ултра-поврзувањето го отворија патот кон нови начини на размислување, нови типови на потрошувачка и нови видови на мобилност. Со својата веќе високо електрифицирана палета (70 отсто од моделите на „Пежо“ нудат една или повеќе електрифицирани верзии) и новата генерација на поврзана инфозабава лансирана со новиот 308, „Пежо“ и денес е во првите редови на промените во однос на мобилноста.
Љубителите на олд тајмерите ќе можат да ги откријат различните услуги што се нудат со „Авантур пежо“:
одржување, реставрација, маркетинг на резервни делови и продажба на деривативни производи (минијатури, облека, итн.).
