Поради падот на Фејсбук, Инстаграм и Вацап, богатството на Марк Закерберг, се намали за повеќе од шест милијарди долари за неколку часа, пишуваат светските медиуми.
Најпрво се урнаа социјалните мрежи и услугите за пораки во сопственост на Фејсбук – Инстаграм, Вацап и Фејсбук-Месинџер, а потоа слични проблеми на корисниците беа пријавени на Амазон, Тикток, Снепчет и други, пренесуваат агенциите.
Според странските медиуми, десетици илјади корисници ширум светот останале без интернет конекција.
Кон крајот на септември, беше објавена изјава од хакерскиот форум, за која се тврди дека поседува имиња, адреси за е-пошта, телефонски броеви, локација, пол и корисничка легитимација на 1,5 милијарди корисници на Фејсбук, објавија неодамна одредени портали.
