САД планираат да го отстранат јеменското движење Хути од списокот на терористички групи.
Потегот беше потврден од официјален претставник на Стејт департментот, кој рече дека овој чекор ќе биде преземен целосно заради хуманитарните последици од една од последните одлуки на претходната администрација.
ОН ја поздравуваат одлуката на американската администрација, коментирајќи дека истата ќе придонесе кон огромно олеснување на милиони јеменски граѓани кои се потпираат на хуманитарна помош и увоз со цел да ги задоволат своите најосновни потреби.
Поранешниот државен секретар на САД, Мајк Помпео, ги прогласи Хутите за терористичка група на 10 дена пред Бајден да дојде на власт.
