По повод 50-годишнината од излегувањето на албумот „Morrison Hotel“, легендарните „Дорс“ ќе објават реиздание на култниот албум.
Под името „Morrison Hotel: 50th Anniversary Deluxe Edition”, албумот доаѓа со копија од оригиналната плоча, реизданието на ЦД и уште едно ЦД со колекција песни што не се нашле на албумот.
Ова необјавено издание вклучува и различни верзии на песните „Queen of the Highway”, „Roadhouse Blues” и преработка на песната „Money (That’s What I Want)”.
„Morrison Hotel: 50th Anniversary Deluxe Edition” ќе излее на пазарот на 9 октомври. Албумот ќе биде достапен и во дигитална форма.
Покрај резданието на албумот, групата ќе го прослави овој јубилеј и со нова линија производи. На нивната веб-страница наскоро ќе бидат достапни работи со мотиви од албумот (блузи, маици, чорапи, јакни….).
