Уште шест лица позитивни на коронавирус, вкупно 18

Шест нови лица се позитивни од коронавирус, со што се дијагностицирани вкупно 18 пациенти во земјава.

Министерот за здравство, Венко Филипче, на прес-конференцијата информира дека денеска биле тестирани 12 лица. Од нив шест се позитивни – петмина од Дебар и една пациентка што стигнала од Шпанија.

– Пациентка стигнала од Барселона, во авионот патувала со заштитна маска и ракавици – рече министерот.

За сите 51 патник од авионот е даден налог за следење.

Филипче кажа дека петмината новозаболени се во болницата во Дебар, каде има кадар кој може да ги лекува овие пациенти.