Многу луѓе веруваат дека петок 13 е несреќен ден. Дали некогаш сте се запрашале како настанало ова популарно суеверие? Постојат неколку историски настани што би можеле да се поврзат со стравот од овој ден. Прогонството на темпларите започнало во петок, 13 октомври 1307 година. Во средниот век, бројот 13 бил поврзан со вештерки, се верувало дека нивните кланови се составени од 13 жени што ги извршувале своите ритуали според сопственото пресметување на годините што завршуваат со тринаесеттата полна месечина.
Исто така, друга средновековна легенда вели дека ако 13 луѓе седнат на вечера, еден од нив ќе почине во текот на следната година. Колапсот на Волстрит се случи точно во петокот на 13-ти во месецот, а на тој ден се случија и некои други несреќи, а потоа таа легенда се прошири низ целиот свет.
– Ова глобално суеверие се разви во 20 век, особено по Втората светска војна, а потекнува од САД, од каде што потекнуваат секакви глупости – изјави претходно словенечкиот етнолог и културен антрополог Јанез Богатај.
Тој смета дека луѓето, особено во време на психолошка криза, лесно усвојуваат колективни легенди и стравови без реални основи што случајно ги претвораат во правила и дека онолку несреќи како во петок на 13-ти веројатно се случиле и во четврток на 16-ти во месецот, што не се смета за несреќен датум.
