Астронаутката на Европската вселенска агенција, Саманта Кристофорети, е првата Европејка што е командант на Меѓународната вселенска станица. Таа е и втора жена во историјата што извела вселенска прошетка и првата Европејка што прошетала во вселената.
– Кога сте во вселената, се чувствувате уште повеќе поврзани со Земјата. Некако ја гушкаш на секои 90 минути. И се чувствувате уште повеќе мотивирани да направите нешто за проблемите со кои се соочува Земјата – вели Кристофорети.
Таа заврши две мисии на вселенската станица, во 2014 и 2022 година.
– Универзумот не е само таму горе, туку е и меѓу нас. Тоа е суштински дел од секојдневниот живот. Ние го земаме здраво за готово, но тоа е вткаено во ткивото на современото општество. Се потпираме на вселената за да ни обезбеди различни услуги како што се набљудување на Земјата, следење на климатските промени, телевизиско емитување, интернет и финансиски трансакции – рече Кристофорети.
Вселенската индустрија игра важна економска улога, која се проценува дека вреди трилион долари до крајот на 2030-тите.
– Вселената е движечка сила зад трансформацијата на нашата индустрија и стратегиска компонента на нашиот економски и индустриски суверенитет – изјавила астронаутката.
