Многу обожаватели на кралското семејство беа разочарани кога Меган Маркл и принцот Хари решија да направат „чекор назад“ како постари членови на британското кралско семејство во јануари 2020 година. До март истата година, војводата и војвотката од Сасекс ги завршија своите последни кралски должности и се преселија во Канада, само за да го најдат својот постојан дом во Монтесито, Калифорнија.
Сега, по јавните настапи на Маркл (42) и Хари на игрите „Инвиктус“ минатиот месец и посетата на Њујорк за Светскиот ден на менталното здравје, наводно последните зборови на актерката од серијата „Костуми“ пред официјално да се повлече од кралскиот живот, изговорени тивко пред близок пријател, повторно излегоа на површина.
Омид Скоби, коавтор на „Наоѓајќи ја слободата: Хари и Меган“, во својата нова биографија открива кои биле последните зборови на Маркл во тој тежок ден.
„Не мораше да биде вака“, наводно тивко му шепнала на новинарот кога двајцата присуствуваа на настанот на Здружението на Комонвелтот тој ден.
Скоби потоа ја прегрнал, како што напиша тој во авторски текст за „Харперс базар“.
– Солзите што војвотката храбро ги задржуваше, сега слободно течеа меѓу познатите лица. Војвотката од Сасекс се прости емотивно со многу сакани соработници бидејќи нејзиниот лет „дома“ за Канада требаше да биде за неколку часа – пишува Скоби и додава дека Маркл сакала работите да тргнат во друга насока.
Хари (42) и поранешната актерка со текот на годините тврдеа дека го напуштиле семејството за да станат приватни граѓани бидејќи сметале дека не биле поддржани од нивните кралски роднини. Двојката дополнително разговараше за своето заминување во шокантно интервју со Опра Винфри во март 2021 година.
По разговорот со Опра, Маркл и Хари објавија серија изненадувачки проекти во кои ја опишаа болката што ја чувствувале како членови на кралското семејство. Хари ги објави своите мемоари „Спеар“ претходно годинава, додека двојката премиерно ја прикажа својата документарна серија „Хари и Меган“ на Нетфликс во декември 2022 година.
