Според податоците на ИМДБ за годинава
Онлајн-базата на филмски податоци (ИМДБ), на својата веб-страници објави листа на десетте најпопуларни филмови и серии за годинава, чии резултати се засноваат на реалните месечни прегледи на интернет-страницата на ИМБД. На листата на најпопуларни филмови годинава нема драми или хорор филмови, туку преовладуваат приказните за научна фантаситка и суперхерои.
Најпопуларен филм на ИМДБ е „Дина“(Dune), нова адаптација на научно-фантастичниот роман на Френк Херберт. Во филмот, заплетот го следи младиот Пол Атреид, кому му е доверена заштита на највредниот имот и најважниот елемент во галаксијата. Филмот заработи многу, а веќе е потврдено и снимањето на продолжението во кое ќе заврши дејството од првиот роман.
Втор на листата е филмот „Одред за самоубиства“ (Suicide Squad), во кој најозлогласените негативци се приклучуваат на тајната мисија да помогнат да се запрат уште поголемите негативци. Годинава излезе второто продолжение, а во првото продолжение од 2016 година во составот беше и најголемиот противник на Бетмен – Џокерот.
Покрај овие два филма, на листата на најпопуларни се: „Вечни“ (Eternals), „Мортал Комбат“ (Mortal Kombat), „Лига на правдата на Зек Снајдер“ (Zack Snyder’s Justice League), „Годзила против Кинг Конг“ (Godzilla vs Кing Kong), „Црна вдовица“ (Black Widow), „Армија на мртвите“ (Army of the Dead), „Круела“ (Cruella) и „Шанг-Чи и Легендата за десетте прстени“ (Shang-Chi and The Legend of the Ten Rings).
На овогодинешната листа на најпопуларни серии, слично како и кај филмовите, преовладуваат суперхероите на „Марвел“, како и серии од жанровите со научна фантастика и фантазијата.
Оваа година, најпопуларна серија на ИМДБ е минисеријата на Марвел, „Ванда Вижн“ (WandaVision). На второ место е „Локи“ (Loki), уште една серија на „Марвел“, а на листата се надоврзуваат корејската хит серија „Игра на октоподи“ (Squid Game), „Соколот и зимскиот војник“ (The Falcon and the Winter Soldier), „Бриџертон“ (Bridgerton), „Живи мртовци“ (The Walking Dead), „Кобилата од Исттаун„ (Mare of Easttown), „Сенка и коска“ (Shadow and Bone), и „Кобра Каи“ (Cobra Kai) и „Луцифер“ (Lucifer).
