Луѓето кои се борат со вишокот килограми веќе испробале различни диети кои биле помалку или повеќе ефикасни. Но, она што често се заборава е дека најважното нешто за слабеење е да согоруваме повеќе калории отколку што внесуваме. Значи, пресметката е јасна: вишокот калории предизвикува зголемување на телесната тежина, додека пак недостатокот, губење на тежината.
Сепак, повеќето диети сугерираат елиминирање на некои намирници, кои можат или не можат да бидат корисни, во зависност од телото и начинот на живот на поединецот. Сепак, здравото слабеење (не брзината) бара време и усвојување нови навики, кои вклучуваат градење правилна исхрана. Но, што точно значи тоа?
Правилната исхрана, секако, не вклучува (само) грицкање сиров зеленчук, туку консумирање разновидна храна, богата со хранливи материи – протеини, здрави масти, микронутриенти. Ако најголемиот дел од нашата секојдневна исхрана се базира на таква храна, тогаш можеме да си дозволиме секој ден по еден грст чипс, коцка чоколадо или која било омилена „грешна“ храна, бидејќи нема да ни наштети или дебелее во мали количини.
Исто така, можете да ја подобрите вашата исхрана со различни сокови, особено ако не можете да јадете соодветна количина на овошје и зеленчук во текот на денот. Соковите од комбинација на овошје и зеленчук ни даваат енергија, го стимулираат варењето, одржуваат силен имунитет и исто така можат да помогнат при губење на тежината или согорување на калории.
Соковите од овошје и зеленчук обично се прават во соковник кој го одвојува „месото“ на растението од сокот. Но, знаете дека влакната се многу важни во вашата секојдневна исхрана, па затоа е подобро да ги измешате сите состојки во блендер за да вклучите влакна од овошје и зеленчук, бидејќи тие ја одржуваат цревната флора здрава. Соковите најдобро се пијат наместо појадок или како ужина. Избегнувајте ги навечер бидејќи можат да го поттикнат варењето, што не е најдобро во време кога телото е во мирување.
СОК ОД ЦВЕКЛО И ЈАБОЛКО
Сокот од цвекло е богат со многу витамини и минерали, помага при анемија, го намалува крвниот притисок, дава енергија, и не дебелее.
Состојки:
• 1 мало цвекло – измиено, излупено и изрендано
• 1 зелено јаболко
• 2 моркови – измиени и исчистени
• половина сок од лимон
• количина на вода по желба
Сите состојки измешајте ги во блендер со вода и испијте веднаш. Можете исто така да го чувате сокот во фрижидер и да го пиете во рок од еден ден.
ЗЕЛЕН СОК
Магдоносот секогаш влегува во зелениот сок, тој е одличен чистач на телото од токсините, а има и диуретички својства. Магдоносот ја убива и бактеријата ешерихија коли во уринарниот систем.
Состојки:
• 1 главица целер без стебленца
• 1 грст свежо нане
• половина китка магдонос
• 1 свежа краставица
• 1 излупен лимон
• количина на вода по желба
Целерот можете да го исечете на коцки за полесно да се блендира, како и краставицата. Потоа соединете ги сите состојки со вода во блендер и испијте веднаш рано наутро. Сепак, пијте го најмногу пет дена, а потоа направете пауза од 10-дена, бидејќи во спротивно може да ја оштетите слузницата на желудникот.
СОК ОД ПОРТОКАЛ, ЦИТРОН, МОРКОВ И КУРКУМА
Навистина е тешко да се одолее на вкусниот сок од портокал добиен од сочни портокали и гцитрони за кој е познато дека го намалува апетитот поради големото количество влакна кои не одржуваат сити долго време. Покрај тоа, куркумата влегува во овој сок – чудесен зачин кој ја содржи супстанцијата куркумин. Ја стимулира детоксикацијата на црниот дроб и природно ја зголемува внатрешната телесна температура, што пак го забрзува процесот на разградување на хранливите материи.
Состојки:
• 1 портокал – излупен
• 2 моркови – исчистени и измиени
• 1 цитрон – исчистен
• лажичка куркума
• половина сок од лимон
• ѓумбир исечкан на коцки
• количина на вода по желба
Сите состојки измешајте ги во блендер со вода и пијте пред јадење, но не на празен стомак. Откако ќе го конзумирате овој сок неколку дена, направете пауза за да не прави проблеми гастричната слузница.
