Генералниот секретар на НАТО Јенс Столтенберг за британски „Телеграф“ изјави дека НАТО работи на планови за постојано воено присуство на своите источни граници, во контекст на соочување со можна руска агресија.
НАТО е среде фундаментална трансформација што ќе има долгорочни последици за постапките на рускиот претседател Владимир Путин, рече Столтенберг.
– Сведоци сме на нова реалност, нова нормала за европската безбедност. Затоа побаравме од нашите воени команданти да дадат опции за она што го нарекуваме ресетирање, долгорочно прилагодување на НАТО – рече Столтенберг, нагласувајќи дека воените трупи во Членките на источноевропските земји треба да станат целосно одвраќање.
Столтенберг, кој поради ситуацијата во Украина би можел да добие продолжување на мандатот на чело на алијансата за една година, во разговорот откри дека одлуките за се ќе се носат на самитот на НАТО што во јуни ќе се одржи во Мадрид.
Руската инвазија на Украина ја предизвика најголемата бегалска криза во Европа од Втората светска војна и ги натера западните земји да ја преиспитаат својата одбранбена политика, наведува „Ројтерс“.
