Иранското Министерство за надворешни работи денеска соопшти дека разгледува план за отворање на Ормускиот Теснец во рок од два дена, доколку САД се согласат со претходно упатените предлози, за чие исполнување Техеран одреди рок од една недела.
– Можноста овој план да се реализира за два дена е уште еден сигнал за иранскиот пристап заснован на добра волја. Доколку барањата на Иран бидат исполнети, тоа ќе даде можност за обнова на безбедноста во Ормуската Теснина и за обновување на преговарачкиот процес во краток временски период – изјави портпаролот на иранското дипломатско министерство, Есмаил Багеи.
Тој истакна дека размената на пораки преку посредници продолжува.
Според него, Техеран не очекува нов пристап од страна на Вашингтон по меѓуизборите за Конгресот во САД.
